Félag Eldriborgara

Fimmtudagskvöldið 27. október verður Úrval-Útsýn með ferðakynningu í Gullsmáranum kl. 20. Eftir kynninguna verður svo diskótekið Dísa með tónlist og þekkta söngvara og okkur gefst tækifæri til að fá okkur snúning. Kostar ekkert - bara að mæta!

Áhugafólk um Bridge hittist í Gullsmáranum tvisvar í viku og spilar. Þetta er Bridgeklúbburinn í Gullsmára. Það kostar 500 krónur að spila hverju sinni og er molakaffi innfalið í verðinu. Fólk getur svo keypt sér meðlæti í kaffipásunni.

Tvö undanfarin ár höfum við átt von á félögum úr Félagi eldri borgara á Akranesi - FEBAN- í heimsókn til okkar. Covid kom í veg fyrir þær heimsóknir. Nú ætlum við að hittast hér í Gullsmáranum laugardaginn 19. nóvember. Við höfðum einungis rúmlega 40 miða til ráðstöfunar sem seldust upp en verð miðans er kr 8.500.

Við vonumst til að Covid hindri okkur ekki í að fara á Vínartónleikana eins og gerðist í fyrra. Við höfum pantan allmarga miða í sal Hörpu á tónleikana 7. janúar 2023 kl. 16 (fjögur). Við bjóðum upp á rútuferðir fyrir þá sem hafa áhuga á því. Verð miðans er 7.600 kr. og rútuferð fram og til baka kostar 2.000 kr. Þeir sem hafa áhuga þurfa að skrá sig á lista sem eru í félagsmiðstöðvunum og á skrifstofu FEBK í Gullsmára 9, en þar er opið á mánu- og miðvikudögum kl. 10 - 11:30.

Hvað fær áttræða konu til að strjúka úr þjónustuíbúð í Reykjavík? Nú er komið að bókmenntakynningu Leshópsins í Gullsmára, þeirri fyrstu á þessum vetri. Það var umsögn um bókina í Morgunblaðinu s.l. miðvikudag.