Í sumar verður farið í tvær utanlandsferðir og fimm ferðir innanlands á vegum félagsins. Tekið verður upp nýtt fyrirkomulag við skráningu í ferðir. Nú verður hægt að skrá í ferðir á vef félagsins. Ekki verða listar í félagsmiðstöðvum eins og verið hefur, en þeir sem hafa ekki tök á skráningu á netinu geta haft samband við skrifstofu félagsins, sem opin er á mánudögum og miðvikudögum kl. 10:00- 11:30, sími 554 1226.
Höfuðborg Lettlands, Riga, er stærsta borg Eystrasaltsríkjanna. Íbúar borgarinnar eru um 700.000 eða þriðjungur íbúa landsins. Gamli bærinn í borginni er aldagamall og er á heimsminjaskrá UNESCO.
Innifalið í verði er:
Smelltu á hnappinn hér fyrir neðan til að skrá þig á lista fyrir ferðina. Einnig hægt að skrá sig og fá nánari upplýsingar á skrifstofunni á mánudögum og miðvikudögum kl. 10:00-11:30. Upplýsingar um greiðslufyrirkomulag verða sendar síðar. Ferðaskrifstofa: Úrval Útsýn.
UPPSELT ER Í FERÐINA.
Farið frá skrifstofu félagsins að Gullsmára 9 kl. 13:00 og ekið á Selfoss. Þegar þangað er komið verður byrjað á því að heimsækja Flug-, bíla- og stríðsminjasafnið sem Eyjamaðurinn Einar Pálmi Elíasson, húsasmíðameistari og iðnrekandi stofnaði. Þetta safn varðveitir sögu Kaldaðarness- og Selfossflugvallar á ólíkum tímum, ekki síst sögu ungu drengjanna í RAF flugsveit Breta á Ölfursárbökkum á tímum síðari heimsstyrjaldarinnar.
Við heimsækjum Þingborg. Ullarverslun í sérflokki og þar er einnig Gallery Flói, listamannsrekin vinnustofa.
Við heimsækjum Tré og List í Forsæti og skoðum afar áhugavert gallerí þeirra hjóna Ólafs Sigurjónssonar og Bergþóru Guðbergsdóttur. Á safninu er meðal annara fágætra muna gamla orgel Landakirkju í Vestmannaeyjum og eftirmynd af auga Lindu Pé, alheimsfegurðardrottningu, rennt og skorið út í tré.
Kaffi og meðlæti bíða okkar svo á leiðinni í Kópavoginn aftur. Fararstjóri verður Helgi Ágústsson og áætluð heimkoma kl. 18:30.
Fyrsta innanlandsferðin okkar í sumar verður á Snæfellsnes. Við höfum áður ferðast um nesið og þá ekið sólarsælis. Að þessu sinni tökum við stefnuna á Grundarfjörð þar sem við munum fá kjötsúpu á Kaffi 59. Komið verður við í Þjóðgarðsmiðstöðinni á Hellissandi, litast verður um í Dritvík og síðan kaffistopp að Hellnum. Áður en komið verður að Vegamótum munum við aka að Ölkeldu vestan við Vegamót. Áætluð heimkoma um kl. 18:00.
Við efnum til dagsferðar í hinn stórbrotna og svipmikla fjallaklasa Kerlingarfjöll. Komum við á Þingvöllum, Geysi og Gullfossi. Komum að Kerlingarfjöllum um kl. 13:30. Þar hefur nýlega verið byggt 26 herbergja hótel. Fáum kjötsúpu á hótelinu áður en við leggjum af stað aftur heim. Á heimleiðinni komum við að Gullfossi. Áætluð heimkoma er um kl. 19:00.
Ferðin er uppseld.
24. ágúst: Brottför Gjábakka 8:45, Gullsmára 9:00 og Boðanum 9:15. Stopp í Borgarnesi. Hádegisverður að Laugarbakka í Miðfirði. Ekið að Borgarvirki og Hvítserk. Kvöldverður og gisting að Laugarbakka.
25. ágúst: Morgunverður að Laugarbakka og ekið til Hvammstanga. Við fáum leiðsögn um Selasetur Íslands. Einnig er hægt að heimsækja Bardúsa-Verslunarminjasafnið með krambúð Sigurðar Davíðssonar frá því á fyrri hluta 20. aldar. Í safninu er selt handverk úr héraðinu. Prjónastofan Kidka, ein stærsta prjónastofa landsins, býður í verslun sinni upp á úrval af prjónavöru sem bæði er hönnuð og prjónuð á staðnum. Við snæðum síðan sjávarréttarsúpu í veitingastaðnum Sjávarborg. Kolugljúfur skoðað og þaðan ekið að Landbúnaðarsafninu Hvanneyri. Áætlaður komutími í Kópavog um 19:00.
Síðasta ferð sumarsins verður tveggja nátta ferð 9. – 11. september um Norðurland-eystra.
9. september. Stutt stopp verður gert í Borgarnesi eða Staðarskála. Í hádeginum fáum við súpu og brauð á B&S Blönduósi. Gerum stutt stopp á Akureyri og höldum ferðinni áfram að Narfastöðum í Reykjadal þar sem við fáum kvöldverð og gistingu.
10. september. Leggjum að stað frá Narfastöðum kl. 9:00 og ökum um hinn 250 km. langa Demantshring þar sem eru a.m.k. fimm lykil áfangastaðir , s.s. Goðafoss, Mývatn, Dettifoss, Ásbyrgi og Húsavík. Í hádeginu fáum við súpu og brauð á Vegg veitingahúsi. Stutt stopp verður á Húsavík. Gisting og kvöldverður á Narfastöðum.
11. september. Brottför frá Narfastöðum kl. 9:00. Stoppum á Akureyri og skoðum Flugsafn Íslands. Stoppum aftur í B&S og fáum súpu og brauð. Stutt stopp í Borgarnesi og komið aftur í Kópavog um kl. 19:00.
Hópur félagsmanna FEBK á Torremolinos á síðasta ári.
Komdu með í skemmtilega hópferð þar sem við ætlum að njóta alls þess besta sem Torremolinos svæðið hefur uppá að bjóða. Hótelið er gott og vel staðset. Hitastigið er notalegt í október. Fararstjóri leggur áherslu á góða samveru og að allir njóti sín í ferðinni. Fararstjóri: Margrét Halldórsdóttir.
